你以為壓力一定係啲唔好嘅嘢嚟?你咁諗就錯喇,有時適量嘅壓力反而可以幫助我哋集中精神、令我哋喺更加好嘅狀態之下發揮自己嘅實力!

 

以下嘅情況相信大家都有機會遇過……

 

-時間無多嘅時候你突然可以專心到連自己都唔信、效率突然高咗N倍!!!

(當聽朝10點要交paper、但word檔左下角個字數仲顯示為0嘅時候…你懂的)

 

-遇到競爭對手嘅時候你會更加有動力去進步!!!

(就好似「棋靈王」裡面嘅進藤光同塔矢亮、「火影忍者」裡面嘅鳴門同佐助咁)

 

等等……

 

呢啲情況仲有好多好多!

 

所以只要識得善用壓力,好多事我哋都可以做得更好、個人甚至可以有更加大嘅進步!

 

但當壓力遠遠超過我哋應付能力嘅時候 (例如因為滿足唔到家人對自己嘅期望而自責、工作上長期受到壓迫等等),壓力不但會令我哋抖唔到氣,影響我哋嘅情緒同表現 (你玩過mario kart就會明,起步嘅時候太早㩒油門會令引擎爆炸,搞到自己一頭烟…),呢個時候就要識得幫自己減壓喇!

 

傳送門: 減壓小貼士