壓力係雙面刃,雖然佢一方面可以令我哋有動力去做得更好,但當處理得唔好嘅時候,過多嘅壓力其實都好影響我哋嘅情緒同狀態架!呢個時候可以試下以下嘅方法嚟幫自己減壓!

 

  1. 及時抽身:當壓力大到自己覺得就快承受唔住嘅時候,千祈唔好死chur,可以先將自己嘅注意力移開先,一路死Chur唔單止解決唔到件事,仲有可能畀過大嘅壓力影響到自己嘅表現、又或者令情況變得更差!

 

  1. 調整狀態:當你成功將自己嘅注意力從壓力來源上面移開,你可以進一步調整一下自己嘅狀態,例如係訓番陣、聽下歌、出街行下等等,呢啲都係唔錯嘅放鬆方法。過程裡面不妨嘗試將壓力煩惱暫且放埋一邊、放空自己,用心感受下身邊嘅事物。

 

  1. 插掣叉電:如果你有特定嘅興趣,可以去做啲自己鍾意做嘅嘢,幫自己叉叉電先!恢復咗元氣先夠energy諗啲煩惱點解決!

 

  1. 搵人傾訴: 遇到困難可以搵家人同朋友傾訴,唔好怕麻煩到人!相信真正重視同關心你嘅人都一定唔會想你收收埋埋!

 

如果試完以上嘅方法都唔Work,歡迎Whatsapp 6277 8899,我哋好樂意同你一齊面對壓力!