常見輔導問題

Q: 男朋友想同我做….點好? 急….
A: 見到你ge留言, 睇得出你對呢件事仲係好苦惱同迷惘.
係進行性行為之前, 你要問下自己的內心, 你願唔願意同你男友發生性行為? 有d咩後果會發生又或是你可唔可以承受到性行為之後有可能發生ge所有結果?
性行為應該係大家都願意ge情況下進行, 如果你唔想你應該同男友表達你ge感受, 如果佢真心愛你, 佢一定會尊重你ge決定架.
再者, 一段長久ge愛情唔單止只有性呢樣野, 你地之間ge相處溝通etc.都好重要.
加油呀, 你願意同我地分享你ge感受已經係對自己坦白ge表現, 你將你ge感受同樣地表達俾你男友知, 等佢可以更加明白你. 事情一定有得解決的.

 

Q: 好朋友被強姦….唔該幫幫手>.< 
我有一個好好既朋友..佢又靚女又叻女,不嬲性格極樂觀開朗,但佢上個月比佢哥哥強姦左,我霖佢已經處理緊件事,好似同左網上D社工講,但我真係好唔放心…..但係佢情緒真係極唔穩定…上個禮拜我地係hall考緊試,佢無端端大喊跪左係地下..
A: 你好呀~你咁積極幫助及關心朋友, 你的行為係好值得欣賞~
你上黎問人…相信你都可能發現, 原來發生一D事的時候…
未必每次都可以單憑自己的力量可以去處理..
或者你都可以鼓勵你的朋友做以下的行動~

 

1) 建議對方先處理好情緒
呢一刻佢會成日都唔開心、或者可能會諗返起件事…
其實要去承受呢一切都唔易, 可以鼓勵朋友搵社工幫手~

 

2) 多關心朋友
呢一刻你都可以陪佢多d…因為佢最需要係支持及安全感~
你都可以表示出自己的擔心及關心~
鼓勵佢積極面對~(積極面對不代表故息養奸)
起碼等佢知道任何情況你都會在她的身邊

 

3) 報警求助
如果要報警, 可以鼓勵信任的家人, 或者社工陪同~

最後…雖然不幸的事情發生左…
但只要你朋友相信~一切都可以解決的~!
祝福你和你的朋友!!

如果你仲想搵人傾, 你可以whatsapp搵我地utouch社工呀(電話:6277 8899)

*請填寫所有資料
你的名稱:
你的電郵:
你的問題 (少於100字):