新一年uTouch新搞作！每星期陪你度過惡頂Blue Monday。
每逢星期一，有時啲朋友都講一句「_！又要返學。」
我哋相信即使你係王菲，有多麼的孤寂，都唔使收收埋埋！
見到大家咁愁咁頹，就係揾我哋傾計嘅好機會，若果你有過剩既負能量無法釋放，或者你有好多故事想分享，都可以Facebook inbox/ Instagram DM我哋，
等我食哂你哋既不快！然後以匿名方式將大家嘅故事分享出黎，同時我哋都會分享吓自己嘅睇法，亦歡迎大家留言互相支持，分享自己嘅感受～
點解叫藍剔？
因為藍色代表抑鬱，每個人都有抑鬱失落嘅時候，但往往呢啲時候反而無人明白自己，好似叫天不應叫地不聞，而uTouch同一班青年都會陪伴住你，
會閱讀你嘅故事，理解你。