「我想放手呀…我應該要點做先可以放低佢?」
問呢個問題嘅時候，其實有冇諗過，你，準備好未?
放低一個人、放棄一段感情，從來都唔係一件簡單嘅事嚟，又點會係話放低就可以放低?
就算你想放棄也可以 失去也可以
想要放手，就要做好心理準備，認清放手之後會失去啲咩、自己最唔捨得嘅又係啲咩。
別再步步進逼 不留餘地愛只會窒息
當一段關係已經走到無法挽回，結束，可能係另一個開始。
就算多難捨的過去 最後還是會過去
究竟，你放唔低嘅係呢個人?係呢段感情?係過往種種嘅經歷?
定抑或，全部都係呢?
不過無論係啲咩都好，有啲人、有啲事，始終係番唔到轉頭。
懷念的擁抱和那體溫 用微笑平息
無論去到呢刻，呢個人帶畀你嘅傷害、傷痛有幾多，
但係，你同佢之間幸福過嘅回憶，依然殘存。
就算你想流淚也可以 任性也可以
喊，唔係軟弱嘅表現，而係畀個機會自己、釋放一直壓抑嘅情緒，
別再苦苦壓抑 鎖上情緒心會更封閉
如果你唔係深愛對方，你又點會為對方喊?
你為佢流嘅每一滴淚，都係你愛過嘅證明。
喊，其實又有咩所謂?
就算多難捨的淚滴 最後不讓你沉溺
放棄一段感情總係令人感到痛心，
但係，刻意收埋呢份悲傷、唔去徹底經歷過呢種痛，
咁樣只會令你更難放低呢段感情。
就算一個人 至少還有自己
記住，即使失去佢、失去呢段關係，至少，你都仲有自己。
希望你可以重新振作，迎接下一段感情。 : )
如果遇到感情煩惱，歡迎你Whatsapp 62778899搵我哋傾下。
你肯講，我哋肯聽。