以前識朋友，範圍對比呢家真係好細，只係局限於自己校內或朋友介紹，但呢家資訊科技日益進步
交友Apps多到成行成市，難免忍唔住孤獨的心，而嘗試去用交友Apps去識人。
」 網上識朋友好多危機呀!比人騙財騙色呀! 「
當我地見到人玩交友Apps時侯，都會忍唔住提醒對方小心啲，因為透過文字同一部手機，你永遠唔知道對方係一個咩人。
但其實呢啲」提醒」，對好多青年嚟講已經一早知道，亦都好清楚交友Apps會帶嚟咩後果。
既然係咁，點解仲要玩?
有位青年曾經同我地講過:「因為孤獨，所以先會去玩交友Apps。我知道好多危機，唯有自己小心啲，希望唔會識到壞人。」
的確，現實上好多交友Apps都被人利用謀取利益或一個性交易平台，令到好多真正想以健康方式認識朋友難以繼續，或以一個僥倖心態可以遇上一個」正常」嘅人，但往往現實非預期。
既然係咁，如果遇上唔好嘅人，大不了DEL交友APPS或Block左對方而離開?
操作上係可行，但往往過程期間始終付出咗自己感情同心機，當有一日知道對方並唔係想像中咁，即使你將對方封鎖，但你不能阻止你的心已經被對方傷害了。
交友Apps本身唔係一件洪水猛獸的事，原意真的想連結雙方，製造一個互相認識嘅平台，只係往往呢啲平台被人利用，令到危機沒完沒了地伸延。所以必須打醒十二分精神，別有一種僥倖心態去對待。
孤獨，如果懂得獨處，可以很快樂
但傷害，就會可以一世。
*****************************************
如果有任何關於疫情想搵人傾下計，都可以隨時搵我地架 =]
WhatsApp: 62778899
Instagram: @utouch_hkfyg
Facebook: utouch.hk
網站: http://utouch.hk/