香港人情緒健康出現危機，新生青年上班族首當其衝應該需要關顧嘅一群。
最近同一個岩岩出嚟做咗一年工嘅青年傾談，佢話佢本身抗逆力比較差，自信心相對地低，但幸運嘅係，佢能夠得到一份工作，即使人工同佢學歷同期望仍然有一段距離，但仍然感恩。
但青年身邊嘅人就唔係咁諗，讀咗咁多書，仍然對佢好高要求同期望，不時不覺間令佢感到巨大生活壓力，扣減家用，日常開支洗費都對佢造成巨大生活壓力負擔。
加上踏出社會工作後，同朋友聚少離多，傾訴對象突然變成一件奢侈品，即使搵到了，但仍然難以開口說一聲：「我最近生活好痛苦。」
呢種情緒，呢種感受，唔可以比人知，無論你喺屋企點樣匿埋一邊喊都好，返工你就要振作，至少拎住個面具繼續返工，笑住對人，成為大家嘅「開心果」引其他人笑。
「諗深一層，戴住面具返工一日九個鐘都幾恐怖。」案主說。
但我諗，其實仍然有好多人返到屋企之後，都係繼續戴住面具，彷彿整個人生都係為了別人而活，逐漸遺忘真實嘅自己。
休息，放鬆情緒係非常重要。
如果職場上戴住面具係現實，咁一旦我地失去力氣，失去控制情緒，就更容易將心中不滿同負面能量爆發出來，情況或許更壞。所以，休息可以令我地補充力氣，放鬆情緒，先可以繼續堅持落去。
繼而有一日，我地可以能夠除下面具，對住所有人都能夠做返自己。
「咁阿sir你返工有冇戴住面具？」案主問。
「有邊個返工唔戴面具呀？」我笑說。
「只係，我識得放鬆同學識平衡，盡量希望可以將生活同工作分開，雖然我仍然未去到呢個境界，但我仍然會努力。」我續說。
各位打工仔，You are not alone.
＊＊＊＊＊＊＊＊＊＊＊＊＊＊＊＊＊＊＊＊＊＊＊＊
請Like 我地Facebook / IG，以示支持。
如果大家想找人傾訴，我們很樂意和你詳談
大家亦可以嘗試我們的輔助小精靈，去了解自己，測試你的快樂指數。
http://m.me/utouch.hk
https://hearforyou.hk/tc/home
想了解多d 有關情緒服務，可以上呢個網址＝)
＃情緒支援
＃hearforyou
＃孤獨感
＃辦公室的孤獨
＃面具
******************
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899