生活壓力大到想喊
每日都重複一式一樣、行屍走肉嘅生活
無論係喺工作還是喺讀書嘅環境
面對住其他人 ，一直以嚟都好似戴住個面具咁
努力咁壓抑自己嘅負能量，
比其他人見到自己「無恙」嘅一面，
唔想比人覺得自己脆弱。
但有時候都會問自己
「究竟為咗啲咩咁chur ？」
心入面都好想有一個人可以聆聽自己嘅辛酸。
但一靜落黎 發現身邊真係無人可以明白到自己呢種情緒
唔知幾時開始同身邊朋友嘅關係好似愈嚟愈遠咁？
難得放假想同朋友見下面， 食個飯
但好多時， 大家都開始有新嘅圈子，
或者大家都各有各忙。
曾經好親密嘅關係都慢慢開始疏遠
「唔得啊，我個日有assignment要趕，陪唔到你啦。」
「我個日約左女朋友…」
「要返工呀，我地再約啦。」
眼見其他人過得好似幾開心同輕鬆，
佢地嘅生活都好似好多姿多彩
雖然知自己唔應該同其他人比較
但難免都會有種辛苦同孤單嘅感覺。
你，究竟收埋左你嘅唔開心 幾耐了？
***********
每個人總會經歷負面情緒氾濫嘅時刻
重點係點樣接納、面對同排解
如果長時間壓抑自己嘅情緒，拼命表現自己「無恙」嘅一面，
憤怒、不快、悲傷、委屈等等嘅負面情緒就會慢慢累積成為身上嘅炸彈，
唔知到邊一刻就會忍唔住爆發。
當情緒氾濫時，
有時候未必需要特別勉強自己表現無恙嘅一面，
你有咩想講
uTouch 都會係度聆聽。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊
請Like 我地Facebook / IG，以示支持。
如果大家想找人傾訴，我們很樂意和你詳談
大家亦可以嘗試我們的輔助小精靈，去了解自己，測試你的快樂指數。
http://m.me/utouch.hk
******************
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899