完美男友,講就容易做就好難。

好多男仔以為女朋友需要無限驚喜,先可以令愛情保鮮。
但其實女朋友更想要每日都同佢講「我愛妳」。

女仔好傻,呢句永遠聽唔厭,亦唔會嫌煩。
當你漏講咗一日,佢哋會苦惱「你係咪唔再愛佢」

有時候,即使係好普通嘅一句,
可能只係傾電話收線前講句「love you~」
已經係最感人嘅說話。

雖然兩個人未必有共同嗜好,男嘅鍾意打機,女嘅鍾意睇劇。
但唔緊要,只要當發生開心嘅事,有你陪我一齊開心就足夠。
當遇上困難,即使幫唔上忙,你只需要一句「唔緊要,有我喺度!」
做足兩樣已經係最完美情人。