相信唔少人都遇過朋友搵自己訴苦嘅情況,但面對住朋友喊哂口咁又唔知可以點幫到佢,更加驚嘅就係朋友話要去死或者傷害自己!遇到呢啲情況應該做啲乜、唔應該做啲乜?以下呢幾個小貼士可能幫到你!

你應該 你唔應該
尋求協助

 

知會對方屋企人、搵社工、甚至報警,喺對方情況未進一步變壞之前盡快搵人幫手!

 

淨係覆Emoji

 

咁樣做可能令對方感到自己不被重視,而且每個人對Emoji嘅理解可以好唔同、呢個時候要避免誤會產生!

確保安全

 

第一時間問下對方喺邊度、有冇即時嘅生命危險 (例如會唔會已經作出緊傷害自己嘅行為?),盡可能協助對方冷靜情緒、制止咗佢傷害自己先!

 

講道理/畀意見

 

明白你會好想幫到對方,但喺咁情緒化嘅時候,幾有道理/幾有用嘅意見都未必聽得入耳架,等佢平伏情緒先再講啦。

繼續聆聽

 

你朋友搵得你傾代表佢信任你,唔好睇小陪伴嘅力量,即使你未必幫到佢解決問題,但你畀佢嘅關懷同你嘅陪伴,可能已經係一條救佢一命嘅稻草。

 

批評對方

 

畀人Challenge一定唔好受,你眼中嘅小事,可能喺佢眼中係好大件事!不妨聽下佢點講、代入下佢嘅處境!

 

如果仲係唔知點處理,可以Whatsapp 6277 8899,等我哋畀啲意見你呀!