我其實唔係咁容易表達自己，
喺其他人面前，我要扮型、我要扮Cool…
Send每一個Whatsapp，我都會諗前諗後，諗左諗右…
係得你，我咩都唔使諗，
幾無聊嘅新聞、幾搞笑嘅圖，我都可以Send畀你。
可能因為得你知道「全部嘅我」，
於是我可能咁放心卸下所有面具…
等你覆我、等你陪我。
有朋友問過我：「有時唔知拍拖為咩？」
我覺得答案好簡單，
就係想有個伴侶，喺深夜，
當你寂寞、無聊，想搵個人對話時，
你知道「呢個人」一定會陪你，一定唔會嫌棄你。
再忙都會voice msg令你笑一陣。
好簡單，但簡單就最開心。
希望往後，我仲可以同你傾下無聊嘢、用一堆Emoji令對方發笑、於每個深夜，不讓對方感到孤單。
Be with you.