最近唔少學校都邀請我地網上社工分享一啲網絡危機講座比學生聽，特別係關於「網上交友」。
每次去到學校，學生都會一張厭倦的臉，彷彿就好似同我表達一個訊息：「又係講呢啲老套嘢，又係叫我地點樣唔好信陌生人，小心唔好比自己資料比人等等……以防止唔好比人騙財騙色，然後叫我地唔好用交友apps……」
大概「網上交友」由以前各界關注，變得現時大家都老生常談嘅問題咁，因為過往實在講得太多，要關注要防止要表達嘅保護資訊已經太多了。
但我地仍然堅持要去講呢個題目，因為網上識朋友已經幾乎變得必然的事，而且係正常不過嘅事，所以當中的風險更加影響到我地青年，更值得關注。
我知道各個學生，甚至成年人都知道網上識朋友係有風險，但明知有風險都會投入去玩，點解？ 因為需要。
我地認為網上交友令人感到傷痛並唔係「騙財騙色」，因為媒體素養一直進步底下，其實好多人都有自己底線，亦好易知道對方企圖，都已經小心同保護自己好多。
真正令到我地困擾，情緒出現困擾，係對方消失了。
如果網上識朋友，好容易會曖味，好容易會投入呢段感情關係之中，由以往幾十個訊息變成一日千幾個訊息，對方不斷關心你，起身同你講早晨，瞓覺同你講晚安，彷彿呢段感情令你感到安全，開心，甜蜜。
通常去到某個位，就係表白，一係成功，一係失敗。
但往往好多人都等唔到呢個結果，對方就消失了。
點解？點解對方block咗我？點解對方變得冷淡？
由以前千幾訊息，變成“哦… 嗯… 係咩……“
點解？係咪我有問題？係咪我講錯嘢？係咪我唔吸引？
好多好多問題都怪責於自己，但已經無法得到答案，因灼對方已經del哂對話，block左你，唔理你了。
情緒困擾就咁出現了，呢種傷害非常巨大，令人難以招架……寧願被對方拒絕，都好過這樣不明不白地“拒絕“。
更重要的是, 這種傷害是防不勝防， 不是如何說教就可以避免，因為當付出感情投入時，感性大於理性，就好容易墜入呢個危機。
呢個就係現時「網上交友」所面對最大嘅情緒困擾。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊
請Like 我地Facebook / IG，以示支持。
如果大家想找人傾訴，我們很樂意和你詳談
大家亦可以嘗試我們的輔助小精靈，去了解自己，測試你的快樂指數。
http://m.me/utouch.hk
https://hearforyou.hk/tc/home
想了解多d 有關情緒服務，可以上呢個網址＝)
＃情緒支援
＃hearforyou
********************************************************
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899