《當你覺得意外時侯，會唔會係你唔熟悉呢個世界？》

每年1月1號都係叱吒樂壇頒獎典禮，每年每個獎項花落誰家都會惹起唔少爭議
但正面點諗，其實都係好事，起碼對於香港樂壇嚟講有關注，有討論，令人重新認識或回味
　
全晚最具爭議，當然係姜濤拎咗最喜愛男歌手同歌曲獎。
　
但有一點，我好欣賞亦同意嘅一句。
　
主持人森美係一個好有歷練嘅人，佢深知呢個結果一定會惹來唔少討論
於是佢頒獎前，講咗一句。
　
「當你覺得意外時侯，會唔會係你唔熟悉呢個世界？」
　
每年頒獎禮都會出現“ 我唔識呢個歌手“ “我未聽過呢首歌“ “
但其實唔識，或者未聽過時侯，問一問自己，有冇用心去了解過，有冇用心去認識過
　
近年香港轉變得好快，時代亦都改變緊
好多嘢已經返唔到轉頭，又或者係時侯需要新嘅事物去取替
我地就要去學習，去了解同認識一下
先叫做「與時並進」
姜濤呢個獎係投票出嚟，拎獎證明佢有一定實力同埋好多人都鐘意
即係話新一代青年人可能同我地以往一直聽開睇開嘅事物有出入
　
正如我地做青年服務，好多時攪活動同創作點子都可能滲入自己想法
覺得年青人應該係咁，覺得年青人應該會鐘意呢啲
但當結果同我地想像中有出入時
我地就要反思一下，究竟我地有幾了解年青人
　
所以我地都會繼續虛心學習，了解同認識青年需要 ︿︿
　
如遇上任何問題都可以搵我地傾下 =]
大家亦可以嘗試我們的輔助小精靈，去了解自己，測試你的快樂指數。
http://m.me/utouch.hk
　
******************
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899