冬季女仔專屬改造企劃要開始啦! ! !
今次嘅反應再一次出乎意料之外，活動推出左一兩日已經爆晒名額。
今次企劃嘅導師uTouch 社工Caris, Jasmine, @lh.hkfyg 平行心間社工Kelly 同埋 @oneline27778899 關心一線社工Rainbow要係超過一百位報名嘅女仔入面揀二十位參加者，確實唔係一件易嘅事。
面試當日，
有人分享以前比同學批評外表，
被取笑體型嘅經歷。
呢啲具傷害性嘅說話其實深深打擊住佢地對於自己嘅睇法。
亦都有人分享以往係學校被欺凌嘅情況，
係分享嘅過程中都忍唔住落淚，
聽到我地幾位導師都覺得心酸。
導師們都掙扎咗好耐，究竟揀邊位入圍好，因為每一位嘅分享都有血有淚，以往經歷嘅嘢都相當唔易。
可能因為以往被欺凌、批評等等唔好嘅經歷
令到呢班女仔一直都處於較低自信嘅狀態，
雖然心入面知道係要欣賞多啲自己，
但唔清楚自己邊方面可以被人欣賞。
亦都有時候係同其他人合作同相處上有唔少擔心，
特別係同同性相處上
有時容易會覺得有阻滯。
「以往同女仔相處，有一啲唔太開心嘅經歷，見到今次係全女班，想試下呢次會唔會有唔同。」
或者係
去到十到尾二十頭嘅年齡，
一個覺得自己應該要知道前路要點行嘅階段，
見到身邊嘅人 都好似好清楚自己嘅定位，
而自己 就好似有啲迷茫，
唔覺得自己有咩叻嘅地方，
亦都對於自己係一個咩人 唔係好了解
所以想襯住呢次機會 改變下自己。
「我想搵番自己。」
呢一句說話，係面試當日 成日會聽到參加者講。
經過導師們嘅一番討論後，
20位參加者終於落實
呢20位女仔各有唔同特質同背景!
下一次見面，就係去海邊玩嘅迎新Day Camp 啦!