uTouch一直都收到唔少個案求助關於網上交友出現問題或者喺人際關係之中感到疑惑。
而疫情影響近兩年下，根據前線同工觀察，發覺有唔少個案因為長期缺乏面對面相處，
而有輕微社交恐懼問題，對於同人傾計相處會感到不自然同抗拒。
面對依個問題，究竟點可以喺疫情嚴峻嘅環境底下改善自己同其他人嘅溝通技巧？
uTouch 推出Telegram Bot，適合想了解網絡交友危機同了解自己更多嘅你！
ReBOT主打交友實境故事同人際關係模式分析，可以檢視自己屬於邊類嘅依附類型。
1.『網絡交友實境故事』
如果要接觸交友Apps，必須了解當中潛在危機。
體驗步驟好簡單，只要入到ReBOT開始嘅版面，之後㩒左下角嘅Menu，
再揀選開始故事模式 (/story) 選項就可以開始架喇！
2.『人際關係模式分析』
冇興趣玩交友app？
已經拍緊拖？
定係想知自己喺唔同嘅關係入面係點樣嘅人？
咁ReBOT入面嘅人際關係模式分析就啱哂你喇！
只要做完問卷分析，你就可以知道自己嘅依附類型係咩！
ReBOT仲會根據你嘅類型去俾關於關係嘅建議你，等你了解自己之餘更可以去改善！
步驟同上面嘅故事模式接近，
不過就係㩒故事模式下兩格嘅親密關係體驗量表修訂版問卷 (/questionnaire) 嘅 選項~
如果你唔想或者無時間去做問卷都唔緊要！
你都可以選擇直接睇ReBOT俾唔同依附類型嘅人嘅建議，
不過咁就唔知自己係咩依附類型架喇！
首先喺左下角Menu揀選 uTouchReBOT簡介 (/start)嘅選項，
然後就選擇 閱讀所有親密關係類型建議 (/hint)，
可以睇哂咁多ReBOT俾唔同類型嘅朋友仔嘅意見架啦~
最後最後，當然就係我uTouch嘅服務資訊啦！
如果你玩完ReBOT之後，你仲有疑問/ 想搵社工傾下,
就不妨睇完之後搵我地uTouch嘅社工傾下偈啦! ^^
最後附上uTouch ReBOT嘅Link：