最近身邊個個都online class同 work from home，
返工嘅時候喺屋企，放假嘅時候又係喺屋企，
加上依家又唔可以約friend出街，喺屋企真係好悶。
呢個時候就有朋友係咁叫我買一隻叫Elden Ring嘅game，
遊戲劇情我就唔多作敘述啦~
呢隻game最大嘅特點就係會不斷咁失敗，不斷咁死，
其實真係幾折磨，同時間又要從失敗中學習，
都好講求玩家嘅堅持、毅力同記性。
不過令我最意外嘅並唔係隻game有幾好/難玩，
而係當我身邊嘅朋友睇我開住直播玩嘅時候，
佢地望住我死完一次又一次，死完一次再一次，
見住我好崩潰同唉聲歎氣嘅佢哋並冇笑我渣，
而係同我一齊研究點去過關，鼓勵我唔好放棄，
雖然佢哋唔係成班人喺我身邊，
但就好似陪住我一齊去玩呢隻咁難玩嘅game咁，
喺呢個嚴峻嘅遊戲世界入面，令我感到一點窩心。
當然唔係個個都有玩Elden Ring，
但我哋依家處身喺疫情嘅困境下，
每個人每日都好緊張，
未中嘅驚中，中咗又驚傳染俾身邊人，
無論身心都受緊好大嘅壓力。
呢個時侯又想問下大家，
近排大家又有冇問候過身邊嘅朋友？
好耐冇見嘅朋友仲有冇聯絡？
趁呢個時候，不如問候下身邊嘅朋友，
可能你嘅一句鼓勵，
就係支撐住對方繼續堅持落去嘅力量。
*************************************
疫情之下，
作為青協社工嘅我地推出「愛心響鈴行動」！
提供多項應急服務，喺疫情中送上愛與關懷。
可以去以下網址了解下服務詳情：
《五大行動》
1. 情緒支援：打電話比身邊嘅人給予鼓勵同支持，係堅持落去嘅最大動力。
2. 視診服務：合適不幸確診而想睇醫生或需要藥物嘅你（要社工評估轉介）
3. 短期住宿：合適沒有確診但有緊急情況的你（要社工評估轉介）
4. 物資轉贈：你可以將合適物資來想轉贈比有需要嘅人
5. 就業諮詢：合適失業嘅你好想了解就業機會或就業諮詢
除此之外，如果你都想揾人傾下
可以揾uTouch 嘅社工傾下架~ 😉