每個人係成長路上都會變得更加在意人地嘅睇法。
仲讀緊書嘅你，為咗同其他人friend啲，
都要逼自己同人地夾。
例如人地講話鐘意呢樣，
明明你心入面未必真係好知喺咩，
但見到人地開始附和，
又會逼自己去了解，甚至鍾意佢。
又或者啱啱畢業返第一份工嘅你，為咗討好上司，
扮下同佢有共同興趣，
好認同佢嘅價值觀同處事手法，
明明自己心入面有唔同意見都唔敢提出。
「究竟佢覺得我點呢？」
「佢會唔會唔鍾意我㗎？」
我地係接觸唔同人嘅時候，
好多時都好緊張地去呈現一個「最好」嘅自己，
成日都想收埋「不被認同」、「真正」嘅自己；
成日都想人地覺得自己啱vibe，
驚人地覺得自己「kam」……
【戴左面具之後，你又除唔除得低呢?】
如果不被人地認同，好多時又會質疑自己，
覺得自己係咪就喺頹、毒、摺？
種種質疑、不解、自我否定嘅情緒就一下子出晒黎。
久而久之
你有無發現，自己慢慢為左變得合群而改變自己……
經常都要顧忌人地嘅諗法，活喺人地嘅世界到，
其實真係好攰……
當自己覺得好累嘅時候，
比自己休息一下、放下「面具」，
享受下屬於自己嘅時間啦！
呢個時候，如果你想搵人傾下，不妨inbox我地 🙂