我發覺好少人會主動問人呢個問題。就算係自己既好朋友、伴侶或者家人都未必會問自己呢個問題。佢地可能會問你今日做左d咩，但唔會問你有咩感覺。每日打開IG 更係，見到d朋友出既story千奇百趣，有去食好西既、0＋3去旅行既、分享笑片既、朋友聚會既…咩都有！但就見少左既一d負能量既story。感覺大家都似乎開始習慣係網上面報喜不報憂，好少人會po自己今日派成績又肥佬左、po自己今日返工又做錯野比人鬧、po自己同屋企人又嘈到想離家出走。無人知道story背後既你今日真實既心情，係咪真係過得咁快樂。好多人玩社交媒體會話係想紀錄生活，的確，你影低左你今日去過既美麗地方同美食，但你記唔記得當刻既感受。你有冇紀錄你既感受？

雖然遲左一段日子，但大家知唔知道每年10月10日都係世界精神健康日？uTouch想趁週末提醒大家問問自己幾個問題，關心下自己既精神，做個健康快樂寶寶。

❔你最近既感覺如何？
❔身邊有冇人可以比自己傾訴下？
❔我有冇足夠既睡眠？
❔我有冇定期食野？
❔我對自己同其他人友唔友善？
❔我到底需要d咩？
❔我需唔需要從社交媒體中休息一下？

💛「你自己最重要。而你的精神健康和身體健康一樣重要。」💛
WISH YOU HAVE A HAPPY FRIDAY!
＊＊＊＊＊＊＊＊＊＊＊＊＊＊＊＊＊＊＊＊＊＊
如果你有任何煩惱心事感到唔開心
都可以搵我地傾～
Whatsapp ： 62778899
Telegram Bot：@utouchreBot