‘’件事發生係我中三既時候，個陣ig同facebook都 好興有xx 男神女神 secret 呢類既page。我自己其實算好少玩同留意呢啲網，雖然我都會有帳號，但係好少用。而且都係得幾個生活post，亦都係private account。

有日我朋友同我講我比人擺左上 XX 男神女神secret，有好多人講緊我。我發現原來係一張我係學校運動會既側面相，caption係：「xx f3女神，佢真係好靚好仙氣。」

我唔知佢係真係讚我定點，但我自認就樣貌平平，唔稱得上係咩女神。而且我唔知道係邊個影呢張相，邊個po上黎。我自認係一個好好好低調既人，所以我非常唔想有人擺我上網。我馬上要求admin del post，admin都隔左一日就幫我delete左個post。

但都有唔少同學有back up，同埋當日底下既留言我都有睇，
「肯定係佢自己投稿啦，搏出位想紅。」
「幾靚都冇用，份人心地唔好。利申：同級」
「頂！我係學校真係當佢女神架，因為佢又nice又叻，原來都係扮哂野，都係想出名。」
「其實好樣衰囉，你地係咪盲架？」
「我有佢ig!! 」
仲有唔少難聽既說話。

之後就好多人request follow 我ig同 facebook。都有唔少資料比網民back up左。有朋友安慰我，佢地可能真係覺得我靚所以po上去姐，上得個page係榮幸黎。

但其實我真係唔願意而且好抗拒咁樣既方式….有好多人話我係自己post，機心重想出名。我只係想講唔係每個人都想成為人地既焦點，唔係每個人都想出名想紅，無論係咩因d咩。至少我真係唔係。而且我一直覺得我咩都冇做，但無啦啦我就俾人講俾人起底，有d係不實既留言，有d係具侮辱性的….其實我當晚真係好不安，成晚都失眠，好想快d到聽日佢地幫我delete post。

個陣返到學校都無啦啦好多人望住我，指住我黎講。甚至著住校服係街，有其他學校既人都好似識我咁。我覺得我只係一名學校既無名小卒，一時之間咁多目光真係承受唔起。所以有排我真係好大壓力，好唔想出街，後尾係朋友鼓勵下先慢慢好返。’’

By Ting Ting （化名） 24歲

TingTing到而家仍然係一貫嘅低調作風，佢連以前僅餘嘅生活post都delete埋。從此佢淨係用社交平台睇人哋嘅野，自己嘅嘢全不公開。佢形容當時有好多人都覺得佢唔洗唔開心，認為上得個page其實更加應該係要開心。所以嗰陣佢都冇再同其他人講佢嘅真實感受，佢嘅唔開心佢嘅委屈。因為人們都比較擅長用自己嘅尺去量度別人嘅感受。佢幸運沒有因此患上情緒病，但呢段網絡欺凌嘅回憶都實實在在俾咗一啲傷害佢。

面對網絡欺凌，有時候你都會不知不覺做咗旁觀者，更甚係加害者。你無法想像受害者背後要承受幾多嘢，你無法想像你一個回覆可能係佢一世嘅陰影。
如果你都想知多啲關於點樣做，
誠邀你出席uTouch嚟緊舉辦嘅網上欺凌特展🔽
日期：3月25日至26日 （星期六、日）
時間：12:30-19:00
📍地點：中環街市1/F Inno Expo

當日會有 ：
📌網絡藝人分享會
📌網絡欺凌隧道體驗區
📌互動故事體驗
📌 「逆轉欺凌」互動裝置
📌 療癒工作坊

#香港青年協會#uTouch#HKFYG#FACEBOOK#META#Cyberbullying#anticyberbullying#網絡欺凌#centralmarket
Edited · 1 d
See Translation