“中學個陣，唔知點解就一直成為班上被欺凌既對象，可能係我本身都冇咩朋友同睇落好恰掛。有次放學後，佢地話想打我。我以為我今日又得罪佢地d咩… 原來因為今日特別睇我唔順眼，而佢地今日心情唔好…

之後3個女仔就圍毆我，仲拍左片擺左上ig。條片好快傳左出去，我知道有人話我好慘，但我都見到有d留言話好人好者唔會比人打，肯定本身都mk妹，唔值得可憐。個陣每次見到佢地咁講，我都會喊係到諗係咪真係我先係有問題個個。佢地根本都唔知我平日係學校經歷過d咩。我明明係受害者但仍然有人希望我死。雖然已經過左好多年，但個d字句都仲係我腦入面。”

By Ching (化名) 22歲

Ching當年因此轉校，不再活於恐懼中。但亦證實患上抑鬱症，度過一段經常要自殘入院既時光。幸得新學校的社工和朋友開解與支持，而家情況都算穩定有好轉。事件令佢內心變得強大，亦唔再鑽牛角尖，日日諗「點解要係我」。因為好多人覺得要欺凌一個人總係有啲原因，但其實原因真係可以好簡單，就係佢睇你唔順眼。

面對網絡欺凌，有時候你都會不知不覺做咗旁觀者，更甚係加害者。你無法想像受害者背後要承受幾多嘢，你無法想像你一個回覆可能係佢一世嘅陰影。
如果你都想知多啲關於點樣做，
誠邀你出席uTouch嚟緊舉辦嘅網上欺凌特展🔽
日期：3月25日至26日 （星期六、日）
時間：12:30-19:00
📍地點：中環街市1/F Inno Expo

當日會有 ：
📌網絡藝人分享會
📌網絡欺凌隧道體驗區
📌互動故事體驗
📌「逆轉欺凌」互動裝置
📌 療癒工作坊

#香港青年協會 #uTouch #HKFYG #FACEBOOK#meta #Cyberbullying #anticyberbullying#網絡欺凌 #centralmarket