”中學個陣跑步都幾快既，所以都有參加陸運會d 短跑項目。落到場一定係比心機跑架啦，咁個樣就跑到好樣衰好猙獰，比大會攝影影低左。d同學係學校個facebook到見到就download落黎改圖做sticker。佢地話覺得好好笑，好正。當時好快個sticker就勁多同校既人用。我諗而家可能唔識我既都會有…

其實我係唔開心的，因為本身都冇咩自信。但同班兄弟講佢地都係話覺得好好笑同埋安慰我淨係話：「唔好理佢地啦獎照拎。」我覺得佢唔明，唔係拎唔拎獎問題，無人想自己咁樣衰既相留芳百世…同埋我每次見到人地用呢d sticker，我都只好無奈扮笑。其實我真心覺得唔好笑唔開心。 之後我跑步其實都有努力試下做表情管理，但其實顧得呢樣，跑個陣就無咁上力影響左發揮。同埋係變左年年都有人專登影我跑步個樣…其實係好困擾，都會聽到有人笑：「哇！佢真係跑得好快，但真心幾7！」

我只係想講改圖係好好玩好好笑，但都希望有人顧及到我既心情…我唔識講，跑步係唯一一項令我自豪既野，但都係因為跑步我比人恥笑足咁耐…”

By Dee (化名) 20歲

Dee嘅case正正帶出咗好多人覺得改圖只係for Fun，笑吓並唔算係欺凌嘅呢一種諗法。但現實係中學同學嘅笑聲全部建立喺佢嘅痛苦上，令阿Dee僅有嘅自信都冇埋。雖然大個咗都睇開咗唔少，仍然熱愛跑步嘅佢選擇無視其他人嘅說話，繼續喺運動場上發揮光芒。但當年未夠成熟強大嘅佢都過得好煎熬。

面對網絡欺凌，有時候你都會不知不覺做咗旁觀者，更甚係加害者。你無法想像受害者背後要承受幾多嘢，你無法想像你一個回覆可能係佢一世嘅陰影。
如果你都想知多啲關於點樣做，
誠邀你出席uTouch嚟緊舉辦嘅網上欺凌特展🔽
日期：3月25日至26日 （星期六、日）
時間：12:30-19:00
📍地點：中環街市1/F Inno Expo

當日會有 ：
📌網絡藝人分享會
📌網絡欺凌隧道體驗區
📌互動故事體驗
📌「逆轉欺凌」互動裝置
📌 療癒工作坊

#香港青年協會 #uTouch #HKFYG #FACEBOOK#meta #Cyberbullying #anticyberbullying#網絡欺凌 #centralmarket