‘’我係有抑鬱症既。係初中個陣開始有，初頭都冇咁嚴重，但去到中六個陣，可能加埋dse既壓力，我既負面情緒同埋自殘傾向就愈黎愈嚴重。有好幾次係學校係真係控制唔到，上上下堂爆喊﹐同埋拎把界刀出黎界手。有一次係考mock之前，我又界手流左好多血，所以學校都幫我叫左白車。

經歷左第一次入院之後，我都係屋企休息冇再返學幾個星期。
有日負面情緒又到，但我忍住左冇自殘，第一次po左張全黑圖上ig 發洩。之後有一兩個同學覆我：
「成日係到attention seeking,你咁想死到底幾時死？」
「今日唔自殘轉係ig叫春？」

當時我既心情又跌返落谷底，冇錯我即刻又自殘。其實我知道我自己好煩，係學校個陣個d失控行為都好影響其他同學。我都好辛苦，我唔想咁我都覺得自己好對唔住佢地。我知道有病唔係大哂，所以我都想努力去克制呢d自殘行為。然而當我第一次唔去自殘，嘗試用另外一種手法嘗試去發洩情緒既時候，原來係唔容許既….’’

By BoBo (化名) 20歲

Bobo自言覺得自己好麻煩，其實自己都好討厭當時嘅自己，好想自己有日可以脫離呢個病，但現實係成日都好似遙遙無期咁。好多人對有情緒病嘅人都唔太理解同埋接受，有好多人都覺得有病係因為佢廢，但無論當初係因為咩原因而病咗，大家可以選擇唔去關心呢班人，但又何必網絡上講啲咁傷人嘅說話呢？呢個世界需要多一點點愛。

面對網絡欺凌，有時候你都會不知不覺做咗旁觀者，更甚係加害者。你無法想像受害者背後要承受幾多嘢，你無法想像你一個回覆可能係佢一世嘅陰影。
如果你都想知多啲關於點樣做，
誠邀你出席uTouch嚟緊舉辦嘅網上欺凌特展🔽
日期：3月25日至26日 （星期六、日）
時間：12:30-19:00
📍地點：中環街市1/F Inno Expo

當日會有 ：
📌網絡藝人分享會
📌網絡欺凌隧道體驗區
📌互動故事體驗
📌「逆轉欺凌」互動裝置
📌 療癒工作坊

#香港青年協會 #uTouch #HKFYG #FACEBOOK#meta #Cyberbullying #anticyberbullying#網絡欺凌 #centralmarket