對於好多人嚟講，買嘢係一樣好減壓嘅活動。喺自己唔開心或者經歷完壓力好大嘅時候，買嘢的確可以暫時為我哋帶嚟「療癒」嘅效果。
小編自己有時都會覺得壓力過後要對自己好一點，特別係而家上網買嘢咁方便，Instagram 又會經常彈廣告出嚟，所以見到靚嘅野都會有時候忍唔住入手。🥶
前幾日當值嘅晚上，收到一位應屆Dse嘅自修生 Cherry向我地嘅求助，內容大致上係覺得自己控制唔到自己唔買嘢，令到佢覺得內疚。
「個心一空虛，就會想買嘢。」
「我呢個月買嘢買到户口得番兩位數，我分唔到我係真係想擁有個樣嘢定係點，我只係發現買完之後我會開心啲，當買唔到 我就會好忟。」
「我好似控制唔到自己，買完又會內疚，會怪自己亂洗錢。」
其實，好多時我地uTouch 嘅前線經驗發現，衝動購物嘅背後，有可能係背負住好多壓力或者情緒，藉著買自己嘅心頭好，令自己好過一啲。
所以，當時我都嘗試了解Cherry衝動買嘢嘅原因，發現佢背後都有唔少焦慮嘅情緒。
「我以為過左五月我就會放鬆啲，但就算我考完Dse，我都無開心嘅感覺，我怕我放榜個日接受唔到，我驚我會崩潰。我已經係一個retaker，我唔可以失敗多次。」
「特別係而家放假無嘢做，一個人係屋企就好擔心好焦慮，有時上網見到有靚嘅野就想買，買完個刻 我個心好似會暫時開心啲，但後來愈買愈多野，買到要擔心自己有無錢食飯。」
「身邊嘅人都叫我要放鬆啲，係時候要比自己抖下，但我真係做唔到。」
買嘢的確可以暫時為我哋帶嚟「療癒」嘅效果，但如果純粹係用呢個方式嚟排解自己嘅情緒，慢慢愈買愈多嘢，有機會導致過度購物嘅危機，造成財政壓力。
身邊人或者大家自己，壓力大嘅時候，會唔會有呢啲情況出現呢？
*************
踏入六月，一眾應屆嘅中六生考完公開試，大部分嘅大專生亦都接近考完試或者交晒assignment嘅日子，可以暫時放鬆下。
有部分同學仔可能仍然未放鬆到繃緊咗好耐嘅狀態，對於自己各方面有好多擔心同焦慮。
如果你處於呢類型嘅狀態，歡迎你搵uTouch 傾下:)
另外，uTouch 6至8月亦將會推出一系列嘅活動，陪伴大家渡過緊張同埋焦慮嘅階段，大家密切留意住我哋instagram/facebook啦！
**********
請Like 我地Facebook / IG，以示支持。
如果大家想找人傾訴，我們很樂意和你詳談
大家亦可以嘗試我們的輔助小精靈，去了解自己，測試你的快樂指數。
http://m.me/utouch.hk
#情緒支援
#dse
#焦慮
#購物
#喊
#網購
*********
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899