「逼自己social好辛苦,
其實我只係想匿埋自己一個。」

有冇試過係遠處見到唔熟嘅同學或者朋友,開頭一定扮睇唔到,喺迎面而來的呢十秒,成個腦都係點樣可以快啲走過去,結束呢個尷尬地打招呼嘅「客套場面」。

好多時候,內向嘅人都會比人label咗,俾人嘅感覺好毒、好怕醜、唔識得同人溝通。

經常都不乏「朋友」比說話你聽。
「宜家唔去識多啲friends,遲啲返工你就後悔;識人好過識字呀,唔好成日匿埋喺屋企啦。」

--------
【誰曾在病人的嘴 用怪物當作聖水】

但係又有幾多人真正明白內向嘅人嘅感受。
好多時,內向嘅人同人相處會消耗能量,
相反自己一個嘅時候,先係真正嘅休息時間。

有時有啲比較外向嘅「朋友」會提供好多機會叫你出去玩,其實你根本唔想去,但你又唔好意思拒絕,只可以心諗:明明只係想享受獨處嘅時光,點解咁都要比人騷擾呢。

面對外界嘅不理解,好多內向嘅朋友仔會覺得自己先係「有問題」嗰個。唔鍾意自己咁內向,甚至怪自己點解會咁廢。不斷質疑自己點解唔可以好似其他人咁健談。

久而久之 開始逼自己帶著「外向面具」做人,
不知不覺間,連除低嘅方法都忘記咗,
將自己嘅情緒收埋,又係唔係你想要嘅嘢呢?
係生活上,帶著「外向面具」有時係無可避免,
但都記住要有除低休息嘅時候,比自己輕鬆下。

********************
掙扎嘅時候,不妨inbox我哋,一齊傾下。
仲可以去Telegram @utouchreBot
做埋個測驗,了解下自己。

發表回覆

你的電郵地址並不會被公開。 必要欄位標記為 *