最近難得完晒實習, 約晒班friend出嚟打邊爐
「今次又係得返我哋幾個呀?
次次都唔齊人又放晒飛機……」
最後淨低嘅就得返阿智同阿朗.
今次約嘅friend都係我嘅中學同學.
中學嘅時候成日都一齊打波識下女仔,
有時都會講吓啲花生嘢,
有心事嗰陣可以好放心咁
將內心最深入嘅感受講比佢地聽.
個陣嘅我好天真,
成日講一齊捱到中學畢業就結拜做兄弟.
我個心都係咁諗,
希望呢段手足之情可以繼續落去….
「阿Samuel佢唔會嚟㗎喇, 喺IG成日見佢同唔同friend出去玩, 呀軒都可能係咁……」
大家各自有佢嘅圈子,
係咪唔應該奢望佢哋會留喺我身邊?
可惜嘅係, 惜日戰友, 形同陌路
可能我一直冇察覺,
自己都因為現實嘅重擔都令我冇咁多交集……
無力經營, 或許就此別過
但我唔想承認事實上嘅朋友關係就咁脆弱、
咁容易取代我嘅位置….
食完飯同阿智阿朗道別後
唔知下次仲會留低幾多人呢?
但點都好,
我都感謝大家曾經同我一齊製造嘅回憶
***************************************
最近係咪有好多人係身邊漸漸疏遠?
自己都未必知點解會冷落咗段關係?
如果我哋可以成日主動搵返大家,
或者都仲可以為關係付出。
無論係咩事都好,
uTouch都想聆聽你嘅聲音,
不妨搵我哋傾吓呀~
正式宣佈，除咗FACEBOOK INBOX之外!
我地ChatboT小精靈終於進駐埋IG喇!!!
今次仲更新咗多個心理測驗，
入面有關於焦慮、人際關係、情緒覺察、
同埋生活滿意度等等!!
入面嘅輔助小精靈仲有啲分析俾大家，
有興趣了解自己多啲都可以玩吓㗎~
即刻inbox我地試下喇!