我知道你成日都諗好多好多，腦入面有好多唔同想法，
不如試下寫低佢地落紙！
咁會令你頭腦更清晰，知道邊啲只係諗太多，邊啲係真係重要。

我知道你好唔開心﹐腦入面充滿左負面想法，
不如試下出去做個運動！跑步都得架！
因為運動可以促進色胺酸通過血腦障壁，
增加大腦中血清素的濃度，
除此之外，仲可以提高身體腦內啡的水平，
有啲似人體既止痛藥，有助於產生愉悅感。

我知道你好困惑，特別係處於要作出決定既期間，
胸口好似塞住左咁，透唔到氣。
不如試下出去散個步，呼吸下新鮮空氣，
讓身體感受下大自然既感覺。
有時風可以吹走你既煩惱，係真架。

我知道你感到心好累，覺得身邊冇咩人明白自己。
不如試下搵本書睇下，聽落好似好悶。
其實睇書除左比到新知識你，
有時你會發現「佢」可以成為你既朋友，
因為你終於係入面搵到個同你想法相似既人，
你既感受，旁人可能不明白，但「佢」明白。

我知道你一有期待或者大事例如考試，就會好焦慮。
不如試下郁下成身，無厘頭咁郁下，播首音樂自己跳下。
比自己血液於成身流動一下，唔好淨係緊繃一個位。

如果你仍無法放鬆，覺得解決唔到，
又搵唔到人傾，歡迎whatsapp我地：）💬
Whatsapp: 6277 8899
Telegram Bot：@utouchreBot

＊＊＊＊＊＊＊＊＊＊＊＊＊＊＊＊＊＊＊＊＊＊
如果你有任何煩惱心事感到唔開心
都可以搵我地傾～
Whatsapp ： 62778899
Telegram Bot：@utouchreBot