「Do We Ever Love 音樂會」

「Do We Ever Love 音樂會」喺11月16號完滿結束!報名反應非常熱烈，出席人數高達300人!活動當日除咗有司儀艾力講出大家嘅愛情故事，兩隊青年表演單位Last Minute同埋Coco&Alan憑歌寄意，我哋仲邀請咗RubberBand同JW做表演嘉賓! 透過呢個平台，青少年用100分鐘一齊感受一段關係既變化，喺同一個空間一齊經歷由曖昧、到戀愛、到分手、再重新出發，反思愛同被愛，究竟係咩一回事？透過說唱形式，參加者不單只感同身受，司儀同參加者嘅互動環節更一度令全場氣氛高漲，同時亦有參加者感動落淚! 唔少參加者喺活動後都同我哋講話活動好有意義!活動促使佢哋再次反思戀愛嘅定義、重新審視自己追求一段點樣嘅愛情、擁有一個點樣既伴侶，同埋點樣去愛自己，承接「Do We Ever Love 音樂會」其中一個目的 – 由過去走到未來，用100分鐘重新開始愛。