過去我地網上支援服務收到唔少因情緒勒索而感到困擾嘅個案，不論情侶，甚至家庭都經常出現。
化名阿明向我地求助表示，每次當佢夜返屋企嘅時侯，佢同居同女朋友都會好嬲，並表示阿明已經唔再鐘意佢而不斷向佢發放負能量。阿明抵受唔住呢種負能量，每次都會好想抽身離開，但女朋友一知道阿明有呢種想法同行動，就會話：「你想分手？你想走？如果咁嘅話，我就去死！」
阿明聽到後，都會安慰返對方，並表示千萬唔好咁做，有咩都可以慢慢講。結果，問題無解決到，阿明亦繼續陪伴女朋友身邊。而事實上，阿明係愛佢，只係某程度上接受唔到呢種「情緒勒索」，有感自己感受不被重視，不被關心，不被體諒。面對女朋友的負能量更加強制接受，令佢生活上感到痛苦。
後來同居生活之中，女朋友每一次嘅情緒勒索都令到阿明社交圈子同正常社交生活都被影響，不再夜返，不再同異性朋友接觸相處，不再……因為阿明恐懼女朋友真係做出傷害自己嘅事，即使自己幾咁唔開心，都一一接受。
其實個案不只是情侶，往往好多青少年都向我地求助有關佢地父母「情緒勒索」，認為父母每次都要命令他們要百分百聽從父母要求，如果有任何反駁或做唔到，都會引起父母情緒反應。
父母就會表示：「我為咗你付出咁多，你竟然咁唔聽話！你係我個仔，你點都要聽我講！」
每次案主聽到父母咁樣講，就覺得自己感到被控制，但出自對父母的愛，即使內心不認同，但都一一接受聽從。
而事實上，情緒勒索者背後係好需要被尊重被認同，並覺得自己不需要負責任，潛意識覺得係對方需要為自己負責，例如你係我父母，你係我男朋友，所以你需要為我負責，會做用盡心思令你入局。
但一隻手掌係拍唔響。
被勒索者如果識得為自己負責任，有健康底線，係唔會被對方勒索，所以雙方都有責任關係。如果
被勒索者不懂拒絕對方要求，好驚對方感受，很易滿足對方，介意別人點睇……如果遇到對方要求或提出傷害自己時侯，被勒索的人都要急急答應，變相鼓勵咗對方。
但面對對方勒索時如何處理？
建議必須肯定對方地位和價值，表示自己一直重視對方。同樣地，亦表示感受到對方的痛苦之處，但不會睿明認同或對方行為是正確底下，表示會聆聽和尊重。
而且，每個情緒勒索者的成長經歷一定有所影響，作為子女又好，伴侶又好，都要了解對方是否過去有經歷令佢產生呢方面嘅痛點，然後一齊去處理和面對，因為呢啲痛點往往盲會投射返身邊嘅人，例如女朋友之前被男友出軌而分手，這些痛點就會害怕下一個對象會再次出現呢個情況，而情緒勒索對方不要和異性接觸等等……
所以了解對方情緒背後原因，一齊面對問題，多加溝通，多加體諒，有助防止問題被惡化。
*****************************************
如果有任何關於情緒問題想搵人傾下計，都可以隨時搵我地架 =]
亦都可以試下了解自己，做我地個輔助小精靈
睇下自己快樂指數去到幾多 =]
http://m.me/utouch.hk
#情緒支援
#uTouch
————————————-
【uTouch】http://utouch.hk/
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899