九月開始，疫情稍為緩和，學生亦都逐步開學，職業市場亦慢慢恢復。
而近日，我地網上青年服務亦陸續收到唔少求助，大部份係岩岩踏出社會工作或岩岩升學嘅個案，大家都一致認為新環境底下未能適應，對將來充滿未知嘅恐懼，加上擔心未能識到同伴，亦懷疑自己能力是否勝任眼前挑戰……種種壓力，其實令到唔少人情緒出現問題。
其實大部份個案都因為「適應」問題而造成，但每個人嘅適應時間都唔同，有人好快已經投入新環境之中，亦有人長期受壓，加上市道唔好，轉工困難，唔能夠輕易轉換環境，結果，每一日返工都係受罪。
同樣地，大學生升讀大學學位本來係一件值得高興嘅事，但往往未能適應而唔開心，但心知一旦接受學位，不能輕易放棄，亦難以向家人交代，結果每一日返學都係受罪。
每一日都係受罪，每一日都承受痛苦，繼而懷疑自己能力，點解其他人可以返得咁開心？而我就喺到默默痛苦著，係咪我無用？係咪我……
過去幾年，我地處理唔少相關個案，部份個案原因是源於「揀錯科」、「揀錯工」而造成長期情縉困擾，但當細心傾談和了解自己性格能力時，問題都好快得到處理。而另外大部份個案最終因為適應了新環境而漸漸投入，情緒困擾亦慢慢得以抒緩。
「阿sir，咁究竟我幾時先可以適應得到？」
每個人抗壓力同成長經歷都唔同，所以好難講究竟要幾耐，但千其唔好將呢種恐懼同挫敗歸於自己能力，呢個絕對係危險想法。
要面對新環境，我相信任何人都會擔心，會感到戰戰競說，即使我地社工都一樣，岩岩出嚟做事，見到身邊同事能力比自己高時，對比自己零經驗，好容易懷疑自己能力同會擔心自己成為同伴之中的負累，但其實「能力」好多時都係靠經歷累積，做得多自然會進步，正如有套動畫「男兒當入樽」一樣，主角櫻木花道只係岩岩學打籃球就要為大家比賽，佢一直擔心連累隊友而小心避免犯錯，但事實上，大家都理解「佢一定會犯錯」，亦將佢嘅犯錯列為預計之中。相信無咩人會期望一個岩岩出嚟做事嘅畢業生能夠做到好多經驗…零犯錯等等要求吧
讀書亦一樣，特別剛上大專大學的學生，始終學習模式同中學完全係兩回事，適應上就更加感到困難，加上疫情影響下，大家隨時返咗學一個月都未見過同學仔……亦對於呢種模式充滿未知恐懼。
但唔緊要，我再重覆強調，這是正常的反應！
如果有任何開學讀書或工作適應問題，隨時搵我地，我地一定陪伴你渡過呢個「適應期」。
千萬唔好輕易放棄或逃避，更唔好懷疑自己能力。
如果大家想找人傾訴，我們很樂意和你詳談。
大家亦可以嘗試我們的輔助小精靈，去了解自己，測試你的快樂指數。
想了解多d 有關情緒服務，可以上呢個網址＝)
******************
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899