7月頭我地uTouch同大圍隆亨青年空間平行心間推行一個史無前例嘅活動 – 改造最緊要快企劃!
希望開學之前透過我地一系列悉心安排嘅改造活動，幫助一班因為外表或者社交技巧不足而令到過去校園生活都孤獨嘅青年改變自己！重新展開新生活！
我地知道有好多人都有興趣想知個活動係點，內心好多想法而最終無報到名，唔緊要！因為嚟緊我地會同大家講下活動情況～比大家了解一下！
2021年7月24日
由於報名人數眾多，遠遠超出我地參加人數幾倍，所以我地舉行面試日，希望搵出真係合適改造嘅參加者。
我地三位社工Eric、Roy、Caris聯同平行心間社工Kate一齊由朝早開始面試直到夜晚…… 要喺咁多參加者之中選出20人的確好困難，而參加者面試時候亦表現出好想加入改造活動嘅決心，令到我地社工們都好頭痛究竟點揀好！
而面試過程之中，參加者嘅回應都令我地有驚喜。
「我見你地幾個朋友一齊嚟報名，如果我最後只係揀咗你朋友，你會唔會唔開心?」我見有幾個參加者都係朋友，於是問。
其中一個參加者諗咗一陣，就回應:「如果唔揀我而揀我朋友，我唔會唔開心，只係覺得我朋友更加需要同合適。」
無錯，面試日根本就無分落唔落選，只係分合唔合適。
因為就算今次無參加到改造企劃嘅人，嚟緊我地都會推出更針對性嘅活動去改造你地～所以都要密切留意我地uTouch動態喇!
講返面試日先，最終我地四位社工揀選出合適嘅20位參加者進行改造。
我地透過面試發現參加者其實都好低動機同自信，已經唔少人都以為自己係外表問題，但其實喺我地眼中外表無問題，但講嘢就有問題了，即係話好多潛在問題喺呢班參加者到而影響咗佢地生活，而佢地係唔知原因。
下一集，我地就會同大家講迎新日，20位參加者正式展開我地改造活動，究竟佢地真實嘅性格係點? 分組同其他人相處又係點?
大家拭目以待。
#改造最緊要快
#平行心間
#Ih.hkfyg
******************
Instagram：http://instagram.com/utouch_hkfyg
Facebook：utouch.hk
Facebook inbox：http://m.me/utouch.hk
Whatsapp：https://wa.me/85262778899