二十位女參加者終於落實，
十二月五日 海邊走走迎新Day
係咁多位參加者第一次見面，亦都係知道自己嚟緊要合作嘅組員係邊位嘅日子!
喺面試嘅時候，可能係因為近呢一兩年疫情嘅關係，
有唔少參加者都話佢地未玩過Ocamp !
亦都有啲參加者表示
以往擔心自己參加呢啲活動會好難融入，
所以無去參加
諗番轉頭 都會有啲後悔錯過左呢啲青春熱血嘅機會 !
有見及此! ! !
我地呢一日都希望可以比呢班女仔 青春熱血一次!
希望可以令到佢地有個深刻回憶~
話明係海邊走走迎新日，我地都特別揀左個好靚嘅地方，香港青年協會賽馬會西貢戶外訓練營 @hkfyg_otc 去搞我地uTouch 第一次嘅Day Camp !
當然啦，呢個企劃話明係改造，
Day Camp 入面嘅節目都梗係有唔少挑戰性，等參加者可以突破下自己!
其中有一個環節，見到呢班女仔都有啲緊張!
佢地每人都需要攀上目測超過8米嘅高牆~
雖然可能會有人覺得攀石都唔係真係咁可怕姐，
但或者對於企劃參加者黎講，
以往都未必試過呢類活動，所以一開始又想玩又緊張!
有啲身手敏捷啲嘅參加者好快就攀咗上最高點，但都有啲參加者攀到一半驚到忍唔住大叫>< ，定格咗係牆上面驚到唔知下一步要點攀，
係地上面嘅隊友雖然忍唔住笑，但都一直Keep 住比鼓勵攀到一半想放棄嘅隊友!
每次見到每位參加者攀到想放棄或者係
就嚟攀到最高點嘅時候，
隊友們都忍唔住為佢歡呼打氣，
令到每位參加者都更加有動力去完成賽道！
有參加者攀到最高點後，都真係見到佢地激動到眼濕濕。
「攀到一半真係好攰，望番落地又好驚，真係有一刻諗過放棄，但我都估唔到自己可以硬著頭皮捱咗落去。」
「以往都好少覺得自己叻，但覺得今次自己無放棄到，其實都好叻」
其實，見到呢班參加者咁勇於去突破自己，我地導師都覺得好欣慰!
想知道呢班參加者之後係企劃點樣突破自己，就繼續留意我地IG啦!