Omicron不但影響身體，仲係考驗情緒同人際關係
上述問題幾乎時下每一個香港人都面對緊。
雖然Omicron傷害性有限，亦有人以「Just a flu」形容今次病毒。但當自己或家人真正被感染時，其負面影響遠超自己想像。由於傳染性高，基本上家庭成員只要有一個人中，就會好大機會傳染比身邊屋企人。
有求助個案 E先生同我地傾訴，
即使佢已經好小心同做足防疫措施，但都不幸感染咗Omicron。由於起初無任何病徵，所以無為意底下繼續同家人生活。到病徵開始出現時，已經為時已晚，所有家人都一齊確診感染。
E先生話以往自己病，都會有家人照顧，但諗都無諗過會全家一齊病，都唔知邊個照顧邊個。
家人病，係好影響屋企氣氛，特別係喉嚨病發燒時，大家心情變得更燥更唔開心。
同樣地，對於快速測試確診後一時三刻唔知點應對，大家各執已見，衝突多咗。
「確診後，好多親戚朋友都Send一大堆確診資訊，當中又含有不失資訊，家人又信，我亦要花好多時間去解釋比佢地聽邊啲資訊先係值得參考。」
打比政府相關部門又無人聽，亦知道去醫院無用，大家既擔憂又無助。
「可能我後生平時身體好，唔係話病得好辛苦。
但父母就唔同，佢地病得好辛苦。」
E先生知道自己係病源，當惹到比屋企人時雖然明知係意外，但內心仍然充滿歉疚。
「親戚雖然無開口罵我，但言談間好似都怪我防疫做得唔好惹咗比屋企人」
「我想講，每日都有過萬人感染，唔通依過萬人防疫措施都做唔足先感染到？」
E先生夾雜好多情緒，憤怒、無奈、歉疚。
以前嘅佢覺得「疫情」離自己好遠，每日公佈嘅確診數字對佢嚟講都有種局外人去睇咁。
但當真係發生喺自己身上，害怕嘅除咗肺炎，仲有影響大家情緒。
E先生嘅經歷都同唔少人一樣，特別屋企有老人家、小朋友或孕婦，件事就變得更複雜。
但我地相信，只要有足夠休息同食合適藥物，
一般三或四日已經可以好返。
不過，依三、四日係難捱同辛苦，
所以鼓勵同關心從來都唔係一件老套嘅事，
而係實實在在令到情緒不安嘅人得到可靠支持。
咁樣，佢地先會有動力走下去直到病好。
最後，最後E先生同家人已經病好，
但面對疫情每日比一日嚴重，
內心仲未釋懷，仍然充滿不安
我地都盼望疫情可以盡早結束
如果你因為疫情而感到唔開心
無論任何問題都可以搵我地傾 🙂
WhatsApp: 62778899
Instagram: @utouch_hkfyg
Facebook: utouch.hk
網站: http://utouch.hk/
**********************************************
另外，因應疫情
作為青協社工嘅我地，推出「愛心響鈴行動」
如果你受到不幸受到確診或擔心疫情而感到無助
可以按以下依條link，點擊支持
https://m21.hk/SupportCaringtoCall
《五大行動》
1. 情緒支援：打電話比身邊嘅人給予鼓勵同支持，係堅持落去嘅最大動力
2. 視診服務：合適不幸確診而想睇醫生或需要藥物嘅你（要社工評估轉介）
3. 短期住宿：合適沒有確診但有緊急情況的你（要社工評估轉介）
4. 物資轉贈：你可以將合適物資來想轉贈比有需要嘅人
5. 就業諮詢：合適失業嘅你好想了解就業機會或就業諮詢
#HKFYG #CaringToCall #CallingToCare
#COVID19 #omicron #stayhealthy