uTouch 愛情短文系列 – 《帶住女朋友一齊食雞先係真正挑戰》

叫女朋友打機,就等於將嬴嘅難度機率大幅提升,於是你都會勸告對方不如唔好玩呢隻Game,但眼見咁多人情侶喺FB/IG 都貼上食雞照,你女朋友會堅持叫你教佢玩,並拍哂心口話:「你肯教我玩,我都可以幫到你一齊食雞架!」

教女朋友玩唔係問題,問題係你要好小心。

遊戲之中不但你要好好保護佢,而且你付出好大耐性同決心去教佢點玩。

例如教佢唔可以太過暴燥,注意說話態度語氣,如果唔係,隨時開心玩變咗分手戰場。

所以真正挑戰不但之要付出百分百專注力同聽力,亦都發指令時侯亦要注意平衡語氣,就算女朋友搵到把廢手槍,你都要讚佢好幫到手,讚佢勁!如果佢擊殺咗人,更加要拍哂手掌鼓勵佢!

就算你食到雞,你都要確保女朋友係仲生存緊。
因為喺佢地眼中,佢地死咗而最後你食到雞,係唔算食雞架!

不過
能夠同到女朋友開咪玩,食唔食到雞都已經係其次了。

以上內容純屬幻想,因為重點係,本身有冇女朋友先……