《曾經好怕對一段感情太認真,但今次唔怕啦,因為我知你比我更認真》

成日提住自己「千祈唔好認真。」
 
因為一認真,就會受傷;
 
一認真,就會成為被害者。
 
『認真』只會令分開嘅一日,傷得更重。
 
受過教訓,我會抑壓自己,唔投入、刻意冷靜。
 
我覺得「只要唔認真,就算分手都冇事,唔使再日日喊。」
 
但就偏偏有個傻瓜,
係要對你好、係要感動你,
你笑少一秒佢已經擔心、你少少唔舒服佢已經捉你去睇醫生。
 
我輸啦…
 
我真係對呢段感情愈來愈認真,對佢愈來愈上心。
 
因為我知道,佢比我更認真…
 
我開始諗,我唔敢太投入,係因為我怕有朝一日…都係分手收場。
 
不過…大約有個人就係咁傻,呢世都會對你好。
 
未來會發生咩事,我唔知。
 
但我呢一刻只想,好好地全力愛一個人。