相信唔少人都經歷過分手,當被分手嘅時候我哋都會傷心、難過,但當到咗自己想提出分手嘅時候,我哋點樣可以將對對方嘅傷害減到最低呢?其中一個方法係配合天時、地利、人和。

 

天時:

唔好喺大時大節又或者紀念日提出分手、更加唔好以留番一段美好嘅回憶畀大家為理由,同對方開開心心咁渡過一日之後突然講分手!
如果可以,當然係分手之前有段冷靜期畀大家,等大家有個心理準備啦。

 

地利:

分手當然係親口講比較有交帶,但分手喺邊講都好重要,盡量唔好喺有潛在危險嘅地方講分手 (例如馬路邊、有危險物品喺附近嘅地方),甚至對方屋企都唔建議,始終都要保障雙方安全!

 

人和:

去到分手呢一步,相信大家心裡面對對方或者呢段關係都有唔少諗法,可以坦誠面對當然係好,但更應該避免指責對方,因為呢個時間再多嘅指責都已經無補於事,如果可以肯定對方嘅付出就更好啦!如果好擔心分手後對方嘅情緒唔穩定,可以事先/盡快通知對方嘅家人或者朋友一聲,等佢哋多啲留意對方嘅情緒。

 

帶番個頭盔先,當然實際情況要點處理係因人而異啦。畢竟你先係真正了解對方嘅人吖嘛!

發表回覆

你的電郵地址並不會被公開。 必要欄位標記為 *