網絡交友有危機,絕對唔係老套 ⁡

最近Netflix上映一套紀錄片,主要講有一個人利用Tinder交友Apps進行詐騙,當中包括騙財騙色,仲呃埋感情。

網絡交友一直都有危機存在,我相信大家都知道,只係有時侯因為「需要」識朋友或伴侶,都逼得不已去接觸交友Apps,亦都唔係咩新鮮事。但幾乎每一日都有人因為玩交友Apps而受到傷害,過去搵我地求助嘅人都好多,所以大家要玩交友Apps必須要考慮清楚對方係咩人。

講返套紀錄片,套嘢叫「Tinder詐騙王」,講述有一個型男一直經營自己形象,整個社交平台都係自己周圍去旅遊同高消費嘅生活,令人覺得佢既靚仔又有錢,而個型男亦話自己係某大型鑽石生意個仔。

而佢不斷接觸唔同女性,開頭時侯都會約班女仔喺五星級酒店,坐私人飛機,食最高晚餐。

睇到依到,你會問:「咁樣仲唔係真?真係見佢包私人飛機住高級酒店…而且唔覺自己被呃咗啲咩。」

而事實上,開頭整個過程都係博取你信任,令你比咗好多個人資料佢,然後開始問你借錢。

當然,你見佢本身咁有錢,你會相信佢而借比佢,咁就中伏了。

到你醒覺佢係呃人時侯,你唔好唔記得,佢已經得到你大量個人資料,如果你有任何傷害佢嘅行動都會帶來嚴重後果。而受害人就背負住大量債務同埋唔知幾時會比人傷害,每日生活於恐懼之中……

可能你會覺得,自己唔會咁蠢

但有時侯,我地玩交友Apps,都會被對方帶住走,好容易誤中對方圈套….

所以點都好,大家一定要小心,用時間證明對方,或多啲同身邊嘅人傾下拎下意見喇~

仲唔係就玩我地TG Bot~ 了解一下自己喺一段關係之中自己需要啲咩同埋網絡交友有咩危機~

打開TG~ 輸入 utouchreBot就搵到~

#Tinder
#交友

發表回覆

你的電郵地址並不會被公開。 必要欄位標記為 *