上回提要:阿風係網上識到個個女仔,好快個女網友,阿花,就約阿風出嚟見面啦。

「嗯。。。都係識耐啲先約出去好似好啲喎。」阿風考慮咗一陣,拒絕了網友的邀請。

👦🏻 「都係遲啲先啦,近排疫情咁嚴重。」

👩🏻「都係嘅。咁約實遲啲疫情好番啲要出嚟㗎。係呢,你讀緊邊間u㗎?」

👦🏻「我讀XX大學㗎。係呢,你返緊工㗎?返咩啊?」

👩🏻「我就做consultant 既😂😂同唔同機構合作搞promotion,幾free。有時對下人都輕鬆😎😎」

👦🏻「咁你平時有咩興趣㗎?除咗睇Netflix之外。」

👩🏻「我平時會同啲friend去做gym嘅。都係啲friend叫我去玩下,當多個活動做下唔使咁悶😂😂」

👦🏻「都好健康喎。我都想做但又唔想出街。」

👩🏻「我都係俾friend捉咗去,後尾有興趣先跟住做。係呢,我之前拍咗條片係講有關屋企做gym嘅嘢,不如你都嚟睇吓,俾啲意見啊?條link係: http://gymathome// 」

👦🏻「好啊,睇吓都好。」

阿風click入咗網友俾嘅link,發現之後冇乜嘢睇,
以為對方未upload段片,
就冇再為意,繼續同個阿花傾計。
之後兩三個月,阿風同阿花傾得好開心。
隨著大家傾嘅時間越多,
阿風分享自己嘅嘢都越嚟越多,大事如要測驗考試,小事如起身訓覺,都會同對方講,
時間慢慢過去,阿風發現自己鐘意咗對方。

有一晚,阿風同阿花傾到一半,就話去沖涼先,
之後就拎埋電話入廁所,
因為阿風有個習慣會一邊沖涼一邊㩒電話。

沖完涼之後,
阿花突然message
有一日下午,阿風同friend食緊飯嘅時候,
手機突然收到阿花嘅message:

👩🏻「頭先沖涼好舒服喎~」

👦🏻「還好啦,出咗成日汗」

👩🏻「係呢,你估你頭先沖涼嘅片俾人睇到會點呢?」

之後小花就sd咗幾張cap圖,都係阿風頭先沖涼嘅畫面。

👦🏻「點解。。。點解嘅?點解你會影到嘅??」

👩🏻「你唔駛問咁多啦,總之我有方法啦。係喎,仲有樣嘢,你手機所有資料我都有哂,包括你住邊同埋啲身份證相啊嗰啲,都幾多嘢睇喎。唔知你啲friend想唔想睇呢~」

👦🏻「你想點啊?」

👩🏻「冇嘅,近排我有啲窮,一陣間有個account,你入$20,000落去,我老細滿意嘅咪會del相囉。總之陣間就會教你點樣過錢,仲有記得唔準報警。係咁先!」

之後阿花就off咗line。
阿風諗諗吓,應該係之前條link出咗事,
條link令到佢手機俾人hack咗,
所以網友先拎到自己所有資料,包括銀行戶口、密碼同其他所有個人資料,甚至可以遙控佢嘅手機錄影。原來自己一直俾人呃緊,仲要鐘意咗人地。
阿風心諗:今次gg了。。。
呢個時候,阿風個朋友打電話過嚟:「喂!有咩搞緊啊?出嚟打牌?」
「我。。。。。。」阿風一時間不知所措。
(下回再續)

唔知大家覺得阿風應該回應佢嘅朋友好呢?
歡迎大家去我地IG story度投票,
又或者dm我地大家嘅諗法,
然後繼續留意我地嘅《交友_最終章》啦!
#網上陷阱#網上交友#保護自己

**********************************
《ReBOT》親密關係鑑別程式

平台:Telegram
Telegram Bot名稱:@utouchreBot

發表回覆

你的電郵地址並不會被公開。 必要欄位標記為 *