人大咗，好多時都會承受緊唔同嘅壓力。
但係對於男仔嚟講，呢啲心事點會講出嚟呀。
「男人老狗講心事，會唔會好奇怪㗎？」
「唔開心嘅嘢，自己吞咗佢咪算囉。」
「唔好啦，講心事好似好唔成熟。」
所以好多時候，
男仔唔開心都會選擇將自己放埋係一邊。
一係自己一個做自己鍾意做嘅嘢，一係就搵朋友。
「出嚟行吓啦。」
搵朋友拍拍膊頭，食餐飯就算，
就好似咩都冇發生過。
但其實咁樣又有冇真係抒發到自己嘅情緒？
或者呢個就係好多男仔嘅寫照。
但係咁樣…真係冇問題?
你會唔會有一刻覺得自己有一刻好孤單，
好想發洩出嚟，好想好想搵人傾。
但係都會卻步，因為唔想麻煩到人。
你會唔會有一刻覺得自己好攰，真係好攰，
唔想一個人頂晒所有嘢，好想搵人分擔。
但係會覺得自己好軟弱，點解少少嘢都做唔掂。
就算有一刻鼓起勇氣想搵人傾，
但係又唔識點樣開口向身邊嘅人講?
到底我要點做先可以放低呢個重擔…?
***************************************************
你一直以嚟收埋咗幾多心事?
其實好多時我哋對身邊嘅朋友都有好多揣測，
擔心人哋唔想聽，擔心人哋冇時間，
因為各種原因，我哋都令自己唔敢去嘗試，
或者如果你願意踏出第一步，
send出一句 “Hi，得唔得閒傾下偈？”
可能你會有新嘅發現，
不過無論朋友想唔想同你傾，或都係咩事都好，
uTouch都想聆聽你嘅聲音，不妨搵我哋傾吓呀~
Inbox都有心理測驗，
有興趣了自己多啲都可以玩吓㗎~