2018年，班上嚟咗一個新同學，從佢踏入課室嗰一刻，我就已經被佢深深吸引住。
佢無女神嘅臉容，無女人夢寐以求嘅白皮膚，亦無一把長長嘅頭髮，而係一個比較運動型嘅女仔，皮膚較黑，頭髮亦只去到膊頭位置，佢，本來就係一個唔起眼嘅女仔，但唔知點解一望住佢，就忍唔住想望多佢幾眼。
從此，我就開始留意住佢。
由於佢係新同學，對於學校嘅一切似乎唔係太清楚，加上班上面嘅同學仔都忙於準備公開試，邊個會得閒主動去關心佢適應問題？
於是我就主動撩佢傾計，我覺得咁做已經用盡我一生人嘅勇氣。
「多謝你，呢度得你一個肯理下我，我覺得呢個班氣氛好似好沉重。」似乎佢都留意到。
「仲有唔夠半年就考公開試，個個都好大壓力，仲點會留意到身邊發生咩事。」
「咁你又留意到我嘅？哈哈。」
估唔到反應咁直接，可能做開運動嘅人都比較主動直接吧？ 我對呢類型嘅女仔不嬲都唔係好招架得住，但挑戰愈大，我就愈覺有動力。
畢竟我成績一直都好差，公開試，我已經一早投降。
同佢相處耐咗，發現佢成績一直都唔錯，但外表睇起上嚟竟然唔覺佢有任何溫書疲態，每次上堂，大家都累到恰眼瞓時，佢係唯一一個仲好精神上堂聽書。
「我想買對跑鞋，你今日放學得唔得閒？」佢竟然主動約我，雖然只係放學一齊去買嘢，而唔係正式約會，但對我嚟講已經好滿足。
「好呀，咁放學一齊去。」
好景不常，呢日放學，老師開咗一條題目比大家，如果大家唔識做就無得走。
我望住條題目，完全唔識，眼見身邊嘅同學仔一個接一個咁做完而離開，我開始著急，冷汗直流，我感覺到自己情緒開始緊張，加上我約咗佢，如今我仲留喺到面對一堆唔識嘅題目，呢刻我充血上腦，甚至有種想喊嘅感覺。
佢似乎都留意到我了，於是趁老師行開咗，主動坐埋嚟幫我做。
見到佢快速幫我做哂題目，係我讀書以來最覺得自己無用嘅時刻。
我地兩個一齊去買鞋，全程我都無出聲，我頭先仲幻想大家一齊開開心心買鞋，但我呢刻真係無份心情。
「請你飲。」
當我回過神來，眼前有包檸檬茶，原來佢買咗包嘢飲比我。
我地坐喺公園，傾咗好多嘢。佢認為離公開試仲有時間，其實仲有可以追，鼓勵我要加油，佢會幫我補習，同時間，佢希望我可以健康點，如果可以跟佢一齊跑步就最好。
「跑步？有時間都拎去溫書。」
「跑步係好健康，跑完之後起碼個心都放鬆唔少，到時你先有狀態去溫書，溫書先有效率。」原來呢個就係佢咁健康又成績好嘅秘密。
2018年。
學校社工嚟咗我地班宣傳香港青年協會一個活動，叫背包跑。
班上嘅同學都無興趣。但我聽後，望住佢，佢又望住我，我地兩個相迎而笑，原來我地不知不覺間已經建立咗屬於我地兩個嘅默契。
2019年。
我同佢雖然離開校園，但我地仍然一齊參加咗香港青年協會嘅背包跑。
由第一次報跑3k，到今日嘅10k，彷彿我身心健康都大幅提升。
「你睇下你，當初仲話跑唔到10k，呢家咪得咗。」佢笑住對我說，從佢笑容之中我可感受到，佢真係真心為我高興。
「好，如果青協再攪背包跑，我嘅目標就係要快過你。」
「係？好呀，但你要應承我，如果下年仲有得跑，就算我唔喺到，你都要跑喎！」
「好呀，我應承你。」當時唔係好明佢呢句點解，但兩年後，我終於知了。
疫情影響下，青協雖然都會舉行背包跑，但已經轉到網上。
而佢，已經移民去咗外國生活。似乎當年佢已經知要走，只係一直都無開口。
送佢機當日，我好輕鬆同佢拜別。
事後，我喊咗一晚，因為我知道，我同佢關係已經完結，我再好難同佢製造更多回憶。
我望住背包跑個報名表，我呆咗好耐，腦海諗起過往幾年同佢一齊跑嘅日子，忍唔住又落下眼淚。
喊完一輪，心情似乎好咗好多，亦都報咗名參加跑10k。
我將報名成功通知send比佢，原來我地一年無傾過計了。
佢收到後，好快回我一句：「你知唔知背包跑，個背包係裝啲咩？係壓力同情緒。你要記住，即使我唔可以同你一齊跑，但你都要為自己健康而跑，知嗎？」
……
雖然我同佢呢段關係喺好多人眼中都不值一提，既普通又無特別之處。
但識到佢，帶我去跑步，參加背包跑，似乎已經改變了我人生。
希望大家都跑出屬於自己的解憂路線，探索自己及別人的新風景，即刻報名：
【活動詳情】
活動日期：2021年4月1日至14日
地 點：不限
組 別：2公里、5公里及10公里
費 用：$100
截止報名日期：2021年3月19日
大會紀念品豐富，參加者完成賽事後可獲「解憂旅行包」，內含多款精美紀念品如運動口罩、運動口罩套、每組別設特製獎牌、解憂茶包、自癒浴鹽等。
青協線上背包跑2021報名及詳情：http://www.runforwellness.org.hk
#Runforwellness #青協線上背包跑2021 #解憂路線