最近呢套片都引起一啲嘅熱話
人大咗，生活嘅圈子就會愈嚟愈細，
使用交友軟件就成為咗認識新朋友嘅另一種新方式，
有人係入面遇到真愛 ，
亦有人係入面被人呃錢呃感情，
當然唔少得被人騙色。
今日就同大家講下究竟何謂健康嘅關係，
以及究竟呢個世界有否無條件嘅付出呢？
睇完呢套記錄片，
見到三段嘅關係都係建基於滿身名牌、保鑣、跑車、飛機之上，
唔通同陌生人發展情侶關係就靠食個Tea，
再加埋佢啲ig post就認定咗對方🤔？
我地都會投放感情落去每一段嘅關係度，
而且都會有所期望，
而係記錄片中，受害者們喺最尾受到好大嘅傷害。
其實係唔係代表
我地唔應該一開始就投放咁多感情落去？
又或者去到一啲覺得好奇怪嘅位，
我地就開始要諗下係咪需要抽身出嚟，
唔再為佢作無條件嘅付出呢？
當我睇完呢段片之後，我喺度諗，
身邊又有幾多個我可以為佢無條件付出嘅朋友呢？
如果我啲朋友喺呢一刻問我借100萬，
我係唔係會無條件借比佢呢……
望住自己個IG close friend list…我喺度諗，
「我識咗佢幾耐呢？」
「我有幾了解佢為人同佢屋企背後嘅野呢？」
每問多自己一個問題又删去幾個…
問多個問題又删走多幾個…
到最尾發現我能夠無條件借呢100萬嘅朋友，
原來一隻手數得哂，
無條件嘅付出並唔係我諗到嘅咁簡單…
唔知大家又有幾多可以咩都唔問，
就為左你無條件付出嘅朋友呢？
歡迎大家IG DM或者WhatsApp我地分享你嘅睇法
****************************************************
《ReBOT》親密關係鑑別程式
平台：Telegram
Telegram Bot名稱：@utouchreBot